Eng
ქართJulius Meinl-ში ჩვენ მოწადინებულები ვართ, ყავა და ჩაი უფრო მდგრადი გავხადოთ. ამისთვის მჭიდროდ ვთანამშრომლობთ მომწოდებლებთან, არასამთავრობო ორგანიზაციებთან, ფერმერთა გაერთიანებებთან, მომხალავებთან, საზოგადოებებთან და მთავრობებთან – რათა ერთად მოვახდინოთ მუდმივი და პოზიტიური ცვლილებები.
ჩვენი კავშირები
გაერთიანებული ერების გლობალურ შეთანხმებაში (UNGC) გაწევრიანებით, ჩვენ ავიღეთ პასუხისმგებლობა სოციალური კეთილდღეობისა და გარემოსდაცვითი ცნობიერების მიმართ.
ჩვენ ვიცავთ UNGC-ის 10 პრინციპს, რომლებიც ეფუძნება ადამიანის უფლებებს, შრომის სტანდარტებს, მდგრადობასა და კორუფციასთან ბრძოლას.
გლობალური ყავის პლატფორმის (GCP) წევრობით, ვუერთდებით საერთო ხედვას – შევქმნათ სიცოცხლისუნარიანი და მდგრადი ყავის სექტორი მომავალი თაობებისთვის.
GCP-ის ყავის მდგრადობის საყრდენი კოდექსი წარმოადგენს საფუძველს ჩვენი პროგრამისთვის – „პასუხისმგებლიანად შერჩეული ყავა“.
ჩვენ ვართ initiative for coffee&climate-ის მონაწილეები – ვთანამშრომლობთ საჯარო და კერძო სექტორის პარტნიორებთან, რათა დავუჭიროთ მხარი მცირე მეწარმე ყავის ფერმერებსა და თემებს მთელ მსოფლიოში, კლიმატის ცვლილებისადმი ადაპტაციაში და მათი ცხოვრების ხარისხის გაუმჯობესებაში.
Enveritas-თან პარტნიორობით – რომელიც დამოუკიდებელი არაკომერციული ორგანიზაციაა – ჩვენი ყავის მიწოდების ჯაჭვები რეგულარულად გადის შეფასებებს. ამის საშუალებით ვმუშაობთ მიზნის მისაღწევად: 2025 წლის ბოლომდე 100% პასუხისმგებლიანად შერჩეული ყავის უზრუნველყოფა.
როგორც ავსტრიის პლატფორმა respACT-ის წევრები, ვურთიერთობთ სხვადასხვა სექტორის პარტნიორებთან, ვუზიარებთ ერთმანეთს გამოცდილებებს მდგრადი ბიზნესპრაქტიკების შესახებ და ხელს ვუწყობთ სწავლის კულტურას კოლეგებს შორის.
ჩვენი სერთიფიკატები
ჩვენ ვთანამშრომლობთ Fairtrade-თან – როგორც დამოუკიდებელ სერტიფიცირების ორგანიზაციასთან, რათა ხელი შევუწყოთ უსაფრთხო სამუშაო გარემოს, გარემოს დაცვასა და ფერმერების მდგრადი საარსებო წყაროების განვითარებას ჩვენი ყავის მიწოდების ჯაჭვში.
Rainforest Alliance – ჩვენი სერტიფიცირების ერთ-ერთი პარტნიორი – გვეხმარება ფერმერებს მოსავლის ხარისხისა და რაოდენობის გაუმჯობესებაში, კლიმატის ცვლილებისადმი გამძლეობის ზრდასა და ეფექტიანობის ამაღლებაში.
EU და USDA- ის ბიოსერტიფიკატები ხაზს უსვამს ორგანულობას. სერტიფიცირების კრიტერიუმები მკაცრად არეგულირებს პესტიციდების, სასუქების და გენმოდიფიცირებული ორგანიზმების (GMO) გამოყენებას.
TÜV Austria-ს ნიშანი ჩვენი ყავის კაფსულების შეფუთვაზე გარანტიას იძლევა, რომ ისინი 100%-ით სახლის პირობებში კომპოსტირებადია.
გაეროს მდგრადი განვითარების მიზნები (SDGs)
Julius Meinl აქტიურად უჭერს მხარს გაეროს იმ მიზნებს, რომლებიც ყველაზე მეტად შეესაბამება ჩვენს საქმიანობას.
ჩვენი მთავარი აქცენტი გაკეთებულია SDG 8-ზე – რაც გულისხმობს სამართლიანი შრომის პრაქტიკების ხელშეწყობასა და ფერმერებისა და მუშაკებისთვის მდგრადი საარსებო წყაროების შექმნას.
ასევე ვმუშაობთ SDG 12, 13 და 15 – ჩვენი მიწოდების ჯაჭვის მართვის გზით, ხელს ვუწყობთ პასუხისმგებელ მოხმარებას, ვამცირებთ ნახშირბადოვან კვალს და ვიცავთ ბიომრავალფეროვნებას.
SDG 17 – ძლიერი პარტნიორობების შექმნა, რადგან ნამდვილი პროგრესი მხოლოდ ერთობლივი ძალისხმევით არის შესაძლებელი.